155 ملیۆن دینار بۆ دهۆک خەرج كرا
بۆ ژمارەیەک پرۆژە لە سێکتەری ئاو
وەزارەتی شارەوانی و گەشتوگوزاری هەرێم ڕایگەیاند، بە مەبەستی پەرەپێدانی پرۆژەكانی سێكتەری ئاو لە سنووری شاری دهۆك و دەوروبەری، وەزارەتی شارەوانی و گەشتوگوزار لە چوار فەرمانی وەزاری خۆیدا، گوژمەی نزیكەی 155 ملیۆن دیناری لەسەر ڕێژەی 17%ی داهاتی ئاوی بەڕێوەبەرایەتیی ئاوی دهۆك خەرج كرد.
پرۆژەكان بریتین “پەرەپێدان و نۆژەنكردنەوەی پرۆژەی ئاو لە سێمێل و گوندی دێرەشێ لە ئامێدی و پرۆژەی ئاوی گوندی بافیان لە شێخان و پرۆژەی ئاوی گوندی قومرێی ناحیەی كانی ماسێ”.
هەروەها دانانی هێڵی بۆری ئەسلین لە شاری دهۆك و دابینكردنی كلۆر بۆ پرۆژەی ئاوی دهۆك و چەند پرۆژەیەكی دیكە لە سنووری شاری دهۆك و دەوروبەری، بەشی دیکەی پرۆژەکەن.
https://www.facebook.com/1491410667793969/posts/3063786670556353/
